راحت الأيام
1 يناير 1970
11:08 ص
من أجمل القصائد، هذه القصيدة الرائعة للشاعر فهد سالم الطريسي...
راحت الايام و الخاطر جزوع
والظروف تسوقنا ونسوقها
رحلة الدنيا ذهاب بلا رجوع
تحت الأرض اكثر من اللي فوقها
و الحظيظ اللي من الدنيا قنوع
عاقبٍ كل الفتن و طروقها
والله إني بالخوي ماني قطوع
والعهود الوافية مابوقها
المحبة سحر والفرقا تلوع
كم عشيقة فارقت معشوقها
الحياة تطوّع اللي ما يطوع
مثل تطويع الرعاة لـ نوقها
والرحى تطحن محاصيل الزروع
والعيون تخيل نوض بروقها
الحياة تخلّي النايم يثوع
والأماني من قطف زملوقها
الحياة أفراح واحزان ودموع
والأمل نور الحياة وذوقها
تختلف روس الرجال من التبوع
والرجال تبين من منطوقها
بالسلوم وبالمذاهب والطبوع
دبرة الخلّاق في مخلوقها
وعادة الحاسد من الطيّب بشوع
يحسده في لقمته لايذوقها
كثرت عفون العرب من كل نوع
سمِّها ببطونها و شدوقها
مايبونك في سما العزة طلوع
والقوافل فيه شي يعوقها
الله أعلم وش ورى عوج الضلوع
السراير في بطن صندوقها
الردى له سوق تنصاه التبوع
والمراجل ناسها في سوقها
النخيل اللي لها تمر وفروع
طيّبة في طلعها وعروقها
والأثل لو له عروق و له جذوع
مابها إلا الدود يرعى فوقها
الحياه دروس والفجعه تروع
بكرة الأيام تطوي طوقها
السنة مثل الشهر و لّا السبوع
والاوادم مالحقت ملحوقها
أمس يوم السبت واليوم الربوع
سرع غيبتها وسرع شروقها
الذنوب كبار و الوالي شفوع
لو وصل ذنب البشر لحلوقها
| فهد سالم الطريسي |