من الجال للجال?

اشرقت حرفي وانكسر دونه ظلال

ومديت له كف الرجا واحتويته

ذبيت له صوتي من الجال للجال

وفتحت صدري للهبوب وبديته

ماجيت ابا انحت بالشعر هامة جبال

لكن يفيض من القهر لا رويته

لا مرت جروح الليالي على البال

اسرجت قيفان القصيد وسريته

بالذات لامن التعب جاك يختال

وشرعت له باب الخفوق ودعيته

بعض الحكي في داخل القلب يجتال

وصوت العقل يردني ماحكيته

احيان تصدمك الليالي برجال

يكن لامنك تعبت ونخيته

من صد عني يوم ظل الزمن مال

انا اليا بار الزمن مارميته

لكن مدام الهم بالصدر قتال

بقوله سطر ندمت ومحيته

خل الحميا عنك ياطيب الفال

اللي لقوه الناس قبلي لقيته