قلبك الخواف

انا اللي من الدنيا موقف على مهياف

تعلقت باسباب الرجا عل تنجيني

عسى المقبلات من الشقا والذنوب خفاف

وعسى الله يغفر ما مضى لا يجازيني

يا زيف الغرام ابشرك ما علي خلاف

والا عادت دروبك مثل قبل تغريني

رجعت احمل طعون الجفا والسنين عجاف

والا عاد لي رجعه والا العمر يمديني

واذا ودك ارجع رد لي عمري اللي طاف

قبل لا يلوح الشيب في عارض سنيني

تمنيتك تعاملني بمبدأ الانصاف

على كثر ما اعطيك فالحب تعطيني

انا صرت افكر قبل اغامر وصرت اخاف

وادور رجوع دروبي اللي توديني

قبل كنت اغني معك يا «قلبك الخواف»

وهالحين اقول اللي حصل منك يكفيني