قصة غرام

شعر العاطفة وكلمات الغزل وقصة الغرام وأسرار الحب، جاءت بهذا النص الرائع للمشعلي:

تبددت الأحلام في ظلمة الليل

وتزاحمت في صفحة الصمت والبوح

اسرار حب كل ابوها غرابيل

قصة غرام كلها تنزف اجروح

بين الوهم والهم والغبن والويل

تخنقني العبرة وانا الصوت مبحوح

وصار الأمل كله الم وانهك الحيل

وبين الحنايا جمرةً حرها فوح

واعزف واغني من لحوني مواويل

واجر صوتي واسهر الليل وانوح

واهجوس فكري في قبلها مقابيل

وتجيب ذكرى بلسم القلب والروح

الصاحب اللي له رموش مظاليل

والخد براق سرى لليله يلوح

اللي بحبه ما سمعت العواذيل

وحبه بقلبي حط له عرش واصروح

ولجله عليل وعلتي زود بالحيل

واضحك، وانا قلبي من الهم مذبوح

وانا انتظر منه يرد المراسيل

وانا انتظر والقلب بالحيل مشفوح

ولكن على ما صار هذي المعاديل

واللي بقوله يا اريش العين مسموح