راعي العلوم الطيبة

نعم في ابومتعب وانا شهد يطوله

ونعم في من جابه ونعم بمن جاب

ونعم وتكسي كل عرضه وطوله

وصيته تعلا ياعرب فوق مرقاب

ما هو من اللي حط دونه قفوله

راعي العلوم الطيبة شرع الباب

ولا من نصيته تفتكر في حموله

يشيل حمل اقراب واصحاب واحباب

ولا من تكل يعجبك حيل قوله

ويقصر لمنطوقه طويلين والاشناب

وابوه من قبله تبرهن فعوله

غايب بجسمه لكن الذكر ما غاب

يا جعل يفدوته عيال التعوله

وياجعل يفدونه رديين الاقراب

كتبت شعري حب لهل الرجوله

والشعر يحسب عند مليون حساب

اهداء إلى زيد شريد المطيري