رجعيني

نص رائع ونظم شاعر ومفردات جميلة يغلفها الشعر بجمال الشعور والعاطفة من خلال إحساس عمر العايذي...

الشقـا طبعـه مع الوصـل يتبدّد

دام مابيّن على مجـرى حياتي

والجفـا دينـه مع الوقـت يْتسدّد

بـ الوصال اللي ديونه من سكاتي

سولفي لي والله إنّي ما أتصدّد

غيـر لا طـارت من إيديّ أمنيـاتي

معظم الأشياء لا أحترّت تمدّد

فيزيائية مع الشوق الحياتي

والمودّة تختلـف عن التـودّد

المودة نابعـة عن حـب ذاتي

ودامك أجمل حب والحب يتجدّد

رجّعيني لـ الوصال وذكرياتي

واستبيحي كل وصـل ما تلـدّد

واحضني صدرٍ على شوفك يحاتي

عنفـوان الحسـن والزين المردّد

قبل تاتي عارفٍ وشلون تاتي

أقبلـت مع كل وصـفٍ ما يعدّد

لين بان النور مع كل الجهاتي

ويوم قفّت والهواء قفّا وحدّد

قمت أعدّد بعدها عن سيئاتي

ليت قانـون المواصـل ما تشدّد

كان عشته لين ياخذني مماتي