الغلا واجد

‏?لامدحك الاجنبي ماهي غريبه?

طيب مطلق خابره قاصي وداني

مير الاولى تمدحك ناس قريبه

ياعساي ابدع بمدحك ياعساني

يالدبيسي ياسند من يلتجيبه

خاب شعري كانه بمدحك عصاني

يالمسمى مدح غيرك وشنبيبه

لانسينا مدحك بجزل المعاني

شوش ياراسي وجزل الشعر جيبه

وامدح ابن حمود عمي يا لساني

بالضمير من الغلا واجد نصيبه

والعيون تشوفه سهيل اليماني

واشهد انه للكرم مفتوق جيبه

عارف ان العمر والدينار فاني

رابح ابن عمه ورابح نسيبه

والصديق ومنهو جا للبيت عاني

نفتخربه ريس ونفخر بطيبه

ماغلط من حطه بهاك المكاني

في شبابه حازها قبل مشيبه

ياعسى الله يرزقه خير الاماني

ريس اللجنه ولد عبس العريبه

مطلق ابن حمود ياطيب المجاني

والنجاح ان صار لازم له ضريبه

والسباع سباع ماتخشى الحصاني

عبس صانت مجدها عن مايعيبه

وانت ضفت لمجدها فعل وتفاني