دار الصباح

يا واجهة شعب الكويت من الشمال

يا ديرةٍ تفخر بها سكانها

«درع المناطـق» من زمان ولا تزال

تاريخها يشهد بطيب ازمانها

يوم العدو قال البلد هذي محال

تبقى امينه في ذرى جيرانها

جانا يسوق الجيش جيش الاحتلال

راحت جثث جيشه على بيبانها

نعم هي الجهراء لنا مصنع رجال

شبابها عز /‏‏‏ وفخر شيبانها

لو الشعر في وصفها يعطي مجال

والله ما امدح غيرها من شانها

ما قلته مجامل على نسج الخيال

قلته وانا احمي كلمتي بلسانها

قدّمتها قبل ابتدي بالاحتفال

فارس واشارك بالفخر فرسانها

يا كويت يادار التواريخ الطوال

دار الصباح اللي بنو سيسانها

حكامنا الغالين مافيهم جدال

من شانهم نقدم على ميدانها

نركز علمها من على روس الجبال

لن المعالي والفخر عنوانها

طاحت دول واليوم فيها الانحلال

شف سوريا بعد المعزه عانها

تشكي وعانو شعبها ذل السؤال

حتى العرب تبكي على جثمانها

حنا بخير ودارنا نهج اعتدال

والله من احداث الليالي صانها

في ظل ابو ناصر وحنا له عيال

حضر وبدو وشيوخها واعيانها

من حكمته يقدر على الصعب المحال

ماتغرق المركب وهو ربانها

كامل من الحكمه ولله الكمال

عزز بلاد العز وعزز شانها

على يمينه سيدي راع القبال

والمرجله حاصل على تيجانها

نواف ابو فيصل شبيهه بالخصال

مواقفه تثبت على ميزانها

والله يفك بلادنا شر الشمال

جنوبها مامون من جيرانها

| شعر: فيصل العتيبي |