فمان الله

‏?يبس غصني ولاادري يالسنين المقبله وش جاي ?

لي سنين انتظر بكرا ي بكرا وش كثر باقي؟

تعبت الارض تجحدني وابل من السراب ضماي

«ألهّيني» وابل عرق الصبر من اخر ارماقي

ظما من اول ربيع العمر تلفح بي لظا رمضاي

وسموم القيض ماترحم عرّت ونحتت ساقي

ثقب ريح الجفا غصني معا الايام واصبح ناي

وعزف لحن الوداع وطاح ماباقي من اوراقي

هنا: جف الكلام الي بقى بين الصدر وشفاي

ونضب نبع الدموع الي ملا من عمر احداقي

فمان الله /‏ ياللي ضاع بك عمري هنا وصباي

ولاحنيت !! فمان الله /‏ لو هي تحرق اعماقي

ترى الغربه كثير ارحم من ان تكون لي منفاي

تعبت اعيش بك غربه تعبت اعيش بك شاقي