يا بو بدر

الشاعر الصقار جمعان العازمي من الشعراء البارزين في شعر المقناص ووصف الطير وحياة الصقار وشوقه للقنص والذكريات الجميلة في رحلة القنص. وفي هذه القصيدة يقول:

يا بو بدر لو قلتلي ويش ماصــار

انا خلصت مـن القنص والمطاريــش

بـدل براد الجـو في حر وغبــار

ولا عـاد به نيه لهاك النشانيــش

صـرنا على ماقـيل في واهج ٍ حار

ولا عـاد به مسرا ولا به مغابيـش

الا ليا منـه قـطـب غيـم الأمطار

بأول دخـول الوسم مزنٍ مراهيــش

وعم الحيا خيره على كـل الأقطار

مـن اليمن لديار حمر الطرابيــش

حقوق وسم ٍ ينـبت العشـب وأزهار

وتخضر فياض ٍ عقب ماهـي معاطيـش

وراع الولع شفق ٍ على ذيك الاقفار

قفر ٍ خـلا خـده مـن الدوس مانيــش

واليا نويـنا ما نـقـلط للاعـذار

ربعي وأنا وأهل القلوب الهشاهيش

ومعنا أشقـرٍ جثلٍ على كـف صـقار

طـرح الشبك من نادرات الأواحيـش

جابوه فـي لنج ٍ عبر غـب الأبحار

وساقوا عليه مع والوساطه بخاشيش

أشقر حمـر تحتار به كـل الأنظار

ومنين ماجـيتـه عـذرايـب مافيـش

صدوق طلع ووافـين عـرض الأشـبار

وصدره مضيح أفجـح وعار ٍ من الريـش

شرالخريش اليا أعتلت فوق بأطيار

هده يشـوش بالتـفاكـير تشـويـش

وياماحـلا مـن سجـتك شـبت النار

فـي طارفـت روض ٍ جـرومه مهابيــش

مع خـوة اللي بالمراجل لهم كار

نطـاحة الواجـب قـرومٍ مداغـيــش

وكد قالها عايش بزيـنات الأشعار

هـذي طرات العـمر لو طال حتيــش

تمت وصلى الله على سـيد الابرار

أعداد مايفنا من الخـلق ويعيــش