شوق اليتيم

يالليل يالليل التعاسه والاشواق

في ظلمتك كن الـمباني سكينه

ان دقت الساعه تملكت الاوراق

ارسم قصص والليل يشكي حنينه

مذقت حلم النوم والعين تشتاق

شوق اليتيم اللي فقد والدينه

في شارعك مريت والشوق براق

في سكة الاحباب وسط الـمدينه

مريت مثل اللي خواطره تنساق

والشوق مجداف الامل بالسفينه

سقت القدم والشوق في داخلي فاق

جيت المكان اللي من اول تجينه

جيته مثل فاقد تمشى بالاسواق

غريب كـن الوقت يمحى سنينه

واليوم ما كـنـا حبايب وعـشاق

عشرة عمر والصد أكبر غبينه

جرحٍ سطى بالقلب وحتل الاعماق

وجروح تبقى في خفوقي دفينه

في منتهاه المشوار لك خاطري ضاق

ولـمن ذكرتك قـلـت ويـنك ووينه

الله يسامـح مـن تسبب بالافراق

اللي طـبع بالقلب بصمه حزينه

واليوم وين الحب لا صرت مشتاق

ويـن الـمحبه والـمشاعـر رهـينـه

شعر: فهد حمود بن يحيى