تاج الغلا

«مية عام»... نص عاطفي للشاعر الجميل عبدالله بن راجس يتواصل به مع محبي الشعر في مواسم. لنقرأ بن راجس في هذا الاحساس الجميل

طولت يا تاج الغلا في غيابك

الساعة تساوي بعيني مية عام

صرت أكره الصيف بسبايب عذابك

دامك ليا جاء الصيف بتقول قدام

خلك مع اللي لحضرت أهتنا بك

اللي بحبك فاق تحطيم الأرقام

خذني وجمعني وضمد صوابك

أبي أهتني بالنوم كافيني أحلام

لا يا بعد قلب من الحب ذابك

عقبك جميع الناس في عيني أقزام

تعال يا تاج الغلا ياهلا بك

يالمترف اللي شوفتك خير وأنعام

مليت من بعدك وكثرت غيابك

فغيابك الساعة تساوي مية عام