اللهم احفظ الكويت

نسأل الله العلي القدير بهذا الشهر الفضيل ان يحفظ سيدي صاحب السمو الامير صباح الاحمد الجابر الصباح وسمو وليّ عهده الامين الشيخ نواف الاحمد الجابر الصباح ويسدد خطاهما لما فيه خير هذه البلاد وان يحفظ الله الشعب الكويتي الكريم وان يبعد الفتن عنا وعن الأمتين العربية والاسلامية وان يعود علينا وعليكم هذا الشهر بالخير والأمان انه سميع مجيب الدعاء .

الحمد للخلاق فالشهر الفضيل

على الامان وعزنا ببلادنا

دار الكويت اللي لنا ظلٍ ظليل

من خيرها يا كثرهم حسادنا

والله يعز الوالد الحر الاصيل

راعي مسيرتنا ورمز امجادنا

صباح الاحمد صاحب المد الجزيل

من كل خير وكل نعمة زادنا

والله ماله فوق هالدنيا مثيل

على التلاحم والمحبة قادنا

مرهي على شعبه ولا مد القليل

وان كثرت احداث الليال اسنادنا

نمشي على رايه وحبه ما نميل

وبشوف ابو ناصر تزين اعيادنا

حنا تحت امره وعن متنه نشيل

والتضحية لجل الكويت بلادنا

يا دار مافينا ردي ولا ذليل

عن شبر من ارضك تحول اجسادنا

في خدمتك مافيه شيءٍ مستحيل

والعهد باقي من جدود اجدادنا