يا فزعة المظيوم

ياشيخ ناصر ياكريم السجايا

يافزعة المظيوم لأجلك عاني

انت الذي بطيبك رقيت العلايا

بصمات طيبك ماتبي ترجماني

أنا اشهد انك من رجال الحمايا

اللي بصعبات المواقف تباني

ماظن في وصفك كفوفي ملايا

ولاظن في مدحك حبالي متاني

حاولت انا القالك شبيه وحلايا

او اني القالك مع الناس ثاني

لكن وهذا حق مابه دعايا

إنك وحيد بهالعصر والزماني

كل يبي مثلك يسوي سوايا

مير المطالب ماتجي بالتماني

ياشيخ انا جيتك وهمي معايا

له مسكن بين الضلوع المحاني

جيتك عليل وفزعتك هي دوايا

وبلسم جروحي لامن الجرح شاني

جيتك وانا هاقي ابالقى هوايا

عندك وغيرك مالي عنده أماني

لك وقفةِ بالجود هو والعطايا

يابو المكارم ياكريم اليماني

الوقت شينِ والدهر والبلايا

من كل حدب وصوب جوني عياني

خصيت شخصك دون كل البرايا

ولاظن من خصك صفق باليماني

أفزع ترى الفزعة طموحي ورجايا

وفيها عقدت آمال مما دهاني