خذيت القلب

بشعور العاطفة والغزل والاحاسيس وحروف الشعر المحمل بالاشواق... جاء هذا النص ليصافحكم فيصل السنافي.

خلك علي ظني ليا جيت ناصيك

وانا اوعدك بصون عهدك وابرعاك

دامك معي والله ماني مخليك

ما يفتهم من يعرفك ثم خلاك

يا زين انا والله بالحيل باغيك

ماضن ياتي مثلي انسان يبغاك

لاني خذيت القلب وسلمته ايديك

يعني حياتي كلبوها بيمناك

اضحك علي نفسي ليا قلت جافيك

واصدق مع نفسي ليا قلت اهواك

يا صاحبي منهو من الناس ناسيك

ياتعس عين الي يعرفك وينساك

اكتب قصيده لازم انها تجي فيك

مافيه وسط الكون يازين شرواك

كملك ربٍ بالوصايف محليك

واعد زينك كل ماحل طرياك