الرفيق

الشاعر عبيد غازي العتيبي كتب هذه الابيات المعبرة عن الرفيق وهي تشرح اوصاف من يستحق الاخوة والصداقة بهذا الاحساس يصافحكم العتبيبي

انحمد الله ماني بخاضع الراس

الا لربي خاظعن دوم راسي

ياللي تبا الخوه علي غير مقياس

اقول ماعندي لمثلك مقاسي

أبوي علمني علي كل نوماس

ماننحني مثل الجبال الرواسي

وأهل النجاسه مالهم غير الانجاس

يلقون مثل اشكالهم والحساسي

بعض العرب تظهر لك بعينه أمواس

لو كان مابينك وبينه مساسي

وأنا رفيقي عارفه بين الانجاس

اللي بفعل الطيب ماهوب ناسي

مايلتفت يم القريبين بدناس

واللي يعزك يفرحه بالسواسي

طيرن كفخ في عالي الجو قرناس

واليا دعيته جاك كله حماسي

هذي مطاليب الرفاقه مع الناس

ياللي تدور لك رفيق مواسي

واللي تكبر ماجني غير الافلاس

مأسات فعله جالبتله ماسي

هذا علي ما قيل والعرس دساس

من سابع الاجيال جاك الدساسي

شعر: عبيد غازي العتيبي