العروة الوثقى

اطيح ادري، وكل الناس مثلي تطيح

ماني بمعصوم عن زلة ومصختها

مؤمن وأصلي واشوف الكون هذا فسيح

لاضقت ارفع يدي لي فوق يابختها

ربي ولا غير هديّك من يشوف الصحيح

يوم المصايب تشابه أمها وأختها

الدنيا هذي تجارب واخرتها ضريح

والعروة الوثقى اللي فيك رسختها..!

تبعدني عن كل عثرة ووجه غابر قبيح

ناسٍ تبي «طيحتي» ومن غيض وبختها

ظروف الايام «قشرا» ما بنا مستريح

وشرهات الاصحاب واجد لين نوختها

أشوم عن كل خذلانٍ ومثلي جريح

ويدين الاوجاع جيت اليوم مرختها

مبعد عن المبهمة وانسان أبيض صريح

وغلطات الايام سود وقمت أرختها

صدري شمالي ومطنوخ ٍاذا هب ريح

أمد كفي «وفا» يم ناس دوختها..!

قولة «نعم» تكفي الليلة ولا أرجي مديح

من ناس «أقزام» كنت بيوم شيختها..!