الليالي

مشغول فيك , وفيه مشغولة بعد

خذ راحتك خذ راحتك خذ راحتك

انا عضامي لجل عينك ترتعد

وانتا مقزرها على دفايتك

حظي واعرفه كل ما وقّف قعد

يا موقّف احظوظي على اشارتك

قريب منّي بس احسك مبتعد

كل ما اجي يمك تطالع ساعتك

ليتك تحسب كم بقا يوم وتعد

وتعرف وش لون الليالي لاعتك

لو السوالف بشرتني بالسعد

شالتني الفرحة مثل ما شالتك

بس الفرح مرهون في ذاك الوعد

وانت الوعد ساجنه في زنزانتك