انا وين ابلقى يا لاجاويد فاعل خير
حريص على سر المحبين لارسلته
انا لو ابصبر عام ما بان بي تأثير
وهالحين حتى الصبر يومين ما احتلته
انا مثل صقار تولع بحب الطير
ولف قلبه فروخ الصواريم وهبلته
تولعت في فرخ قضيب يتل السير
ابي نظرة من لفتة الحر وسبلته
صغير بسنه غير عندي ما هو بصغير
يا مغلاه في قلبي ويا كبر منزلته
اجمعله سمان الهرج خوف من التقصير
والى جيت ابشرح له كلامي تهازلته
يجيني منه هيبه، معزه، سحى، تقدير
اقابله عندي علم واروح ما قلته
شعر: سعد بن جدلان