طعنات وجسد
محمد الخطيمي
1 يناير 1970
07:39 م
التحيه سم.. بسمك / يانبيه
نقطتين.. وعقبها.. اما / بعد
بعدها والسطر الاول يحتريه
القلم مختوم / والحبر.. ارتعد
هي رساله نذرها الصمت يحكيه
شالها حر ورقى / فيها... سند
ما نقول انّا نبيه او ما / نبيه
مابغينا قرّب حاسد لا .. حسد
انتعوذ شر / شيطان.. يحديه
وانتعوذ شر........ نفاث / العقد؟
ياهل الدعوه ترا الدعوه اتعديه
السقيم اللي... تطاول وانخمد
دايم / العايل... يكفي ما يجيه
امعثور.. وطيحته / غم... ونكد
ياكـله هـمـه ونـار(ن).. تصـطـليه
وان شبع جايع / ويبقى... للابد
الغضب يغويه ويبيّن.. عليه
مبتلي / كنه على البلوى... رقد
والقهر لابارك الله في خويه
ايتخبط كن / مسه.... من مسد
من يضيع اسال عسى الله يهديه
والمريض الله يشافيه... ان / قعد
ومن هفى بيديه واحسابه بيديه
ماحسبنا / حسبته لو هو... جحد
ولا يهم الذيب وش سوا السفيه
دام ( لاح الغيم ) وبفعله... صعد
راحت اليمنى ( نظيفه ) والنزيه
ما يصافح ( گف ) يتلفها.. سمد
والعطا من دور جدان / اتهويه..
وان عطينا القول نوفي.. بالوعد
من زمانٍ والهدف نسعى ونجيه
ومن زمان... ما تثاقلنا / جهد !!
لكن الدعوه تبي // يوم.. تهفيه
السقيم اللي... من النعمه / زهد
ياصبر طوّلت في بعض الوجيه
بالهدب وعيونها / بان... الرمد
مابقى ( للحلم ) صدرٍ يحتويه
ولابقى ( للحلم )... طعنات وجسد!!