دمعة الرجال

يا محمد هاك علمي معك رده

كلمةً مني على النفس محسوبه

دمعة الرجال عيبً على خده

كان ماهي من خطاياه و ذنوبه

من لبس له ثوب ماهو على قده

لا يلوم الناس في شذب عرقوبه

للزمن هجمات صعبه ومرتده

ما تصد إلا بتوفيق وصعوبه

من تردى فالاصاحيب والبده

لا يغرك في حكاياه واسلوبه

المصايب تجرح القلب وتقده

يالله الغفران والصفح والتوبه

صاحبن ماهو معك حزة الشده

فالرخا كل العلاقات مكسوبه

لا تحطه من مكاسبك وتعده

الظروف اتعلم الرجل فعيوبه

لو تمس الحبل بالحيل وتشده

طاح غير اللي عراويه مقضوبه

صعب تبني شيء لكن سهل هده

القضايا بعضها لعب واكذوبه

قالوا الرده تعوض عن الهده

للحقوق حلوق والنار مشبوبه

كل شيءً كل ما زاد عن حده

ينقلب ضده و ينشاف عذروبه

ودك الرجال ما ينوي الصده

دايماً في وجه ربعه و ماجوبه

يحتزم بالصبر كان الزمن حده

المواقف بعضها غصب و عقوبه

شعر: جمعان مجبل العازمي.