محطات شعر / رجل المواقف

مال المواقف غير بشتك وحنكتك

في ظرف ساعه يرجع الوضع عادي

صباح الاحمد للصعيبات وقفتك

واللي يحب الشور ماهوب غادي

فهد الجلاوي

اعتراف ولكن

كان لك عزة فأنا عندي كرامه

و ما على المقفي و لو غالي ندامه

اني استجديك ترجع لا تهوجس

لا تفارقني الى يوم القيامه

و اعترف بأشواقي لشوفك و لكن

عزتي للي هوى حبه مرامه

سعود بن بندر

تحذير

أحذر كلام الناس يخلف توازنك

لا يغيرون أرياك وعقدونك

ولا تستعين بواحد ما يعاونك

ولا تحتري للعون من قوم عونك

ولا تزبن الي ما تظنه يزبنك

ولا تدخل في شؤون ماهوبشؤونك

مبارك الطومي

سؤال

يوم تسأل يا حبيبي عن مكانك

لا تلوم شفاي لو تسكت دقيقة

ما كفاك اللي مضى كله عشانك

من يبيع الناس في حزّت بريقة

والله ان القلب مهما صار صانك

عن حديث الألسنة لو فيه ضيقة

نايف بن مطيع

الفارس

وابسط حقيقة ما رصدها عرب سات

انا لسوء الحظ فكري رصدها

السابق اللي من سلالة كحيلات

خوّن بها الفارس وخيب سعدها

طاحت على قطاع ليل وعصابات

وامست أسيره واتعب القيد يدها

عطية الكوح

إذاعة سبا

كان ضاع اليقين اللي ب ذاعة سبا

اعتبر شوفي الظامي وشوفك سراب

طاري البعد بعد الود مثل الربا

من كنوز الثرا يفتح على الفقر باب

كلمةٍ لا هلا فيها ولا مرحبا

اه منها ومن حزة شعور الغياب

راشد فاروع