محطات مختلفة

| بقلم: نواف بن عمرة |

محطة 1

المدح بعض الاحيان ظليمة، قبل يومين تقريباً سألت احد الشعراء وهومميّز بشعر المدح ولا اعلم ليش دايم يمدح في شعره** المهم قلت قصيدتك الأخيرة في مدح؟؟؟ كان لها صدى طيّب قال ما يستاهلها قلت افا ليش قال تكفيك قصيدة مفرّح الضمني الله يرحمه عندما قال؟

خذفت نفسي حذفتٍ ما تساويت

طيحة غلط ماعقبها صار طيحه

سويت طيب ولاعرف ويش سويت

بين الجحود وبين شين القريحه

 عزالله اني في بعض مدحي اخطيت

مدحت من لا يستحق المديحه

مدحت ناسٍ لامروه ولاصيت

والمدح في غير النشاما فضيحه

  

يعني طلع ما هو من النشاما وخسرت قصيدتك، قال نعم قلت بيني وبين نفسي هذي آخرت الجهل في الرجال وتذكرت قصيدة رائعة للشاعر الجميل والرائع ايضاً مساعد جميل عندما قال في ابيات من قصيدة طويلة:

ما زال فينا من بقايا الجهل همْ

وما زال فينا حي تبكي له امّه

وما زال عمي قلوبنا تسمع الصم

 بالحكي نجمع شعب ونشتت أمّه

ياصاحبي والمدح لا زاد كالذم

الثوب ما يستر اليا عاب كمّه

كف الكلام وقل لراع الهوى سمّ

الحب والله ما برت منه ذمّه

والدنيا تجارب ودروس فيها الزين والشين والعاقل يستفيد منها ولا تزعل وتحسف على مدحك... ماجد صالح المنهالي من الامارات يقول:

من علوم الناس تاخذ لك علوم

علم ٍ يوديك والآخر يجيبك

وفي الحياة أدروس والوضع محسوم

رزقك المقسوم هذا من نصيبك

اعمل لأخراك كنك ما تدوم

وأعمل ألدنياك لين الله يثيبك

  وللعلوم الطيبة شد العزوم

 شق دربك للعلا والله حسيبك

  

محطة 2

الزميل الشاعر والكاتب عبدالرحمن الناهي كاتب زاوية (وقفة) في صفحتنا مواسم يغيب عنا ونشتاق لقلمه الرائع ويتحفنا بعض المرات بشعره يقول في ابيات من قصيدة له سبق وان نشرت هنا مواسم:

اعيش غربه وانثرالورد بالمي

واجلس على جاله وراقب ذبوله

بيتى كبير ولا وسعنى من الغى

لكن وسع غيري وبارك نزوله

يعنى تعبت امن المشاوير ياخي

لاجئ ونا عندي ثلاثين دوله

  

اين هذا اللجوء؟ مجرد سؤال ولا نريد الاجابة ونبقى ننتظر حضورك معنا

محطة 3

فهد مساعد شاعر رائع طرحه في الشعر يأخذك الى بحور الشوق واحلام العشق والغرام عندما قال:

احس حبك من كثر ما احتواني

معاد باقي عندي لغيرك احساس

من غير قلبي ليت لي قلب ثاني

قلبٍ لك انت وقلب اجامل به الناس

  

قلب ثاني تصدق يا فهد اعرف واحد من الربع يحتاج الى اكثر من قلبين ودايماً يردد ابياتك هذي واقوله انت ظلمت هالبيتين قال ليت الشاعر زاد شوي؟

قلت ما سمعت فهيد زيد عندما

ياليت مالي ولا ذكرى ولا لي حبيب

ياليت لي نفس ما تذكر معاناتها

ضربت فوق العلاقات القديمة صليب

ومسحت من ذاكرة قلبي ملفاتها

ولا مرني مبسم ناعم وغصن رطيب

عزيت نفسي بذكرى كل مافاتها

قال أنا ما وصلت لمرحلة فهيد زيد وايضاً سداح قال:

بديت أستعيد اللي مضى وأفتح الاقفال

عسى نعمة النسيان ماهيب مذبوحه

علاقه وزالت مير تأثيرها لازال

أكابد نتايجها والأشواق مسموحه

تخاطف عيوني كيف أحيل الغلا وأحتال

ولي عين مستوره ولي عين مفضوحه

  

طلع الأخ متعمق وحاسب لكل الظروف وقلت الله يعينك وانسحبت بهدوء

آخر محطة

خلك شمالي عند زلة قرايبك

وعلى الحقوق الليا نصنك حجازي

لاتذخر المذخور من دون واجبك

اوف الحقوق اللازمات بنجازي

للضيف والجيران ليّن جوانبك

وبالطيب جاز وبالردى لاتجازي

  

عبدالله بو زويبن