رثاء

 قصيدة مرثية في المرحوم بإذن الله مسعود بن فهيد الوذين رحمه الله وغفر له واسكنه فسيح جناته

اي والله اي والله ترى الفكر مشدود

والأرض ضاقتبي وضاق الفضابي

وهوجاس فكري قام يلعبه النود

وصديت من حلو الكرى والشرابي

وعودت لله خالقي خير معبود

وقلت ياربي تهون مصابي

بسباب من قفا ولاضنه يعود

ولاحزان عقبه شرعت كل بابي

راح وغلاه بداخل القلب موجود

وخلا لنا عقب الفراق العذابي

الله يصبرنا عقب موت مسعود

زيزومنا الوافي عزيز الجنابي

البيض عقبه عودت كلها سود

وخيم علينا اللياس عقب الغيابي

انشهدنه طيب الراس مفقود

ومثله ليامن غاب ضاع النصابي

مرحوم يابو فهيد ياسيد الجود

يجبر عزانا فيك والي السحابي

عقبك ترى الحسرة بعد مالها حدود

ومن لافقد مثلك عساه الذهابي

ملفا الجميع وكل من جاه مضهود

شيخ الكرم لوهي ضروفه خرابي

خله على يمناك في ساعة الكود

ويغني وجوده عن جميع الغيابي

متواضعن مايعرف الكبر والزود

ودائم على قوسه جميع الثيابي

للمرجلة والطيب نارن وبارود

حتى ولو شح الزمن مايهابي

انعيك انا وانا من الحزن مكبود

وجر صوتي كانه القاف شابي

سمو على مسعود مليون مسعود

ومسعود ولد فهيد تحت الترابي



شعر: محمد حفيظ الوذين