مقدر ومقسوم

حب موثق رغم قسى الوقت وحكم القدر وحرمان العين بهذا الاسلوب وبهذا الشعور جاء أبوضريس ليصافحكم هذا الاسبوع:**

أضحك مع غيري وأنا أنسان مهموم

أضحك وأجامل والزمن مبتليني

دايم أقول إنه مقدر ومقسوم

يالله عسى كل الليالي تزيني

معلوم لو صديت يازين معلوم

صديت عني وأدري أنك تبيني

ياللي حرمت العين من لذة النوم

وش عاد أسوي كان ما ترحميني

الله على الظالم لياء صرت مظلوم

والله مع المظلوم يانور عيني

كني سجين وداخل السجن محروم

راحت حياته في زمانه سجيني

حبك على قلبي موثق ومرسوم

مرسوم أميري بين قلبك وبيني

تكفى مدام أنك مقدر ومحشوم

خلك معاي وخل عقلك رزيني

لا تنخدع في هرجة العام واليوم

وتصير غادي وأنت طبعك فطيني

خذها عهد لا صرت فاهم ومفهوم

أجيك لو أنك تكاسل تجيني



شعر: علي سعود بوضريس