بومشاهد ع الخط

بومشاهد : بومشاهد حاف والله معطيك وجه...
• ياعمي خف علينا أشدعوه حسنين هيكل، هههه لاتزعل يا أستاد بومشاهد.
بومشاهد : أي جذي خلك سنع، المهم شعندك اليوم داق.
• بذمتك شللي عجبك لحد الحين من بطولة أوروبا.
بومشاهد: تبي الصج حراس المرمي، مستواهم شي موطبيعي. القول اللي يدش عليهم متعوب عليه.
• والله انك جبتها فعلا شايلين منتخباتهم شييل، ويصدون كرات ماتنصد.
بومشاهد: شفت مباراة أسبانيا وإيطاليا ترى ما كانت بين اللاعبين. أحس أنها كانت بين الحارسين كاسياس وبوفون وكلهم بدعوا.
• أي والله ماذكروك بنواف الخالدي وخالد الرشيدي؟
بومشاهد : هههههه لا وأنت الصاج ذكروني بخليفه منصور وغانم صلبوخ... ياعمي رووووووح على قولة مصطفى الاكراني.