لقمة العيش

من درر النصح الهادفة وبصيغة الشعر بكل معنى يليق بذائقتكم جاء العجمي بهذه الرائعة
يا ابني ترى ما زلت في ساعة الطيش
خلك معا اهل العز والطيب ماشي
ما دام كثرو بالظلام الخفافيش
رافق رفيق الضيق والا بلاشي
من رافق الدرويش بيصير درويش
ومن رافق اهل العز با العز عاشي
خلك عزيز النفس لو صار بك ايش
رزقك على منشي صدوق المناشي
الواحد اللي يكسي الطير با الريش
اللي رزق الداب الاعمى وعاشي
ان كان ما تتعب على لقمة العيش
اللي معا غيرك صعب ما يناشي
واعرف ترى اللي بالرخاا يكسر الجيش
لا صارت الشده اعضامه اهشاشي
وعينك على المحتاج وارفق به شويش
اعطه ولا تكثر معاه النقاشي
وقدر كبير السن لا تقول له ليش
ما يامرك به قول حاضر وماشي
وللضيف لا تبدي على الوجه تشويش
لو كان ما تملك رصيد ومعاشي
لا تقول ما عندي وانا اشلون با عيش
تصبح كما عضم بليا اعراشي
شعر: محمد مسفر العجمي