بكت عـيني

نكران الهوى ابكى عين الرميح وترجم بهذه الابيات معاناته مع السهر والدموع وجفى الحبيب:

بكت عيني وجاها ما شجاها

من الفرقا مطاولها بكاها**

تهل الدمع أحمر فوق خدي

على اللي ضاع قلبي في هواها

أفكر في هواها وتجلد

وعيني حاربت لذت كراها

أنا لا جيت بصبر وتصبر

وسلي القلب عنها ما سلاها

يساورني عليها بكل لحظة

يبيني دايمٍ اتبع رضاها

فكيف اتبع هواها اللي تنكر

وانا لي قصة كلٍ رواها

أدور الحل مير الحل كايد

فمن يقدر يواسيني معناها