توصيني...!

اعله يا ذمة توصِّيني؟

وحياتي انته ونبض يسري ابشراييني

ويظل اسمك علامه ايوسِّم اسنيني

لَوَنَّك مو دمع ما شالتك عيني ويلوموني...

احسَّك تكبر ابروحي ويلوموني...**

ونه ابلا شوفتك شتنفع اعيوني

يشوقي ورجوتي ودنياتي ولوني

وعذابي ولهفتي وشكواي وضنوني

يخَيْ عونك عليه وبيك خَيْ عوني يواهس...

تضحك الدنيه عله شفافك

يبو ليل الحلو اليلعب عله اجتافك

أحس روحي تأمِّن بيك وتخافك واحسك...

مدري شنهو انته...

لغز لاحجي ولا سكته

ولا غيرك نبع بالشوك يرويني

وتوصِّيني لونك مو دمع ما شالتك عيني



عريان السيد خلف