رأي الجماهير

الشاعرة الزين واشراقتها الأولى والأجمل، هنا بشارة جميلة بقدوم شاعرة قادرة على تقديم الدهشة بكل براءتهاوسحرها...!

 

لا يا ولد لو كنت ضمن المشاهير

وانك مع الاعلام خذت استداره

ولو كان لك بالناس صف وطوابير

وقصايدك حازت وسام الصدارة

لا تنكر جذورك ولا تنقد الغير

ترا البداوة اصل ما هي عياره

وان شفت نفسك بالسما كنك الطير

احذر سموم القيض تبعد مساره

ولو كان قافي ممتلي بالتصاوير

صوره بداوة طاغية باستعارة

هذا لاني بنت راعي المغاتير

وكانت حياتي لعب فوق الزياره

والشعر حبيته واقدره تقدير

جيت بمحطاته وصعدت بقطاره

يمشي وانا امشي معه دون تفكير

لو شنت الاعداء مليون غاره

وعندي خواتي فوق روس القنادير

يسوون عندي مجلسه والوزاره

ولا همني الشهرة وراي الجماهير

اللي يعدون القصايد تجاره

اكتب قصيدي ما اخذت الفواتير

ولاني من اللي باني له عماره

جيت الشعر في داخلي سر صغير

فتيل قافي يفتقد للشراره



الزين