تدري بعد فرقاك دايم اعاني
شيء غريب وياخذ الروح طاريه
دامك طريت البعد والبعد جاني
مثلك انا والله لو كان ما بيه
يرفض فؤادي يسكنه قلب ثاني
وشلون يسكن وانت بيديك تنهيه
الموت ما هو موت لو يوم جاني
الموت بعده يوم اناظر انا فيه
حققت لك احلام واغلى الاماني
وعيشتك بجو المحبة واماسيه
كرهتني امشي دروب الغواني
وكرهتني بالحب واجمل معانيه
عيشتني في حب وردي وفاني
ومن الجهل ارسم غرامي واغنيه
ولو شفتني اضحك واردد اغاني
اعرف بأن الوقت زايده بلاويه