أفكار الغرام

النجم ناصر بن ثويني الحاصل على بيرق الشعر في برنامج شاعر المليون في نسخته الرابعة يصافحكم بهذا النص الاكثر من رائع، نص يحتوي على روح المشاعر والاحاسيس والشعر



لا تحسب اني عقب صدك بجافيك

ولا يجي في بالك اني نسيتك

لا يمنعك الاحراج عن وصل مغليك

عود على قلب يودك فديتك

انا اعرف ان شي حصل منك حاديك

وحاديك عني كبرياءك وصيتك

ماتدري اني كل مامسيت اناجيك

واقزر الساعات ليتك وليتك

ايمم افكار الغرام لحراويك

ايلين اوقفها على باب بيتك

لولا الملام وكلمة تنحكا فيك

كسرت قيد الحظ الاقشر وجيتك

عقبك دموعي لا حدا الوجد طاريك

استر عليها غترتي لابكيتك

ما ودي ان الناس تفطن وتذيك

وش عادني حي له ان ماحميتك

أي والله اني خابر كلمتك ذيك

واذكر بعد مسباحي اللي عطيتك

كتبت لك سر الهوا بين اياديك

ونسيت لاكتب تحتها ماهقيتك

فيك استمت وسقت عمري وانا ارجيك

واقفوا بك الحيين عن مستميتك

يا سعد خلانك وربعك واهاليك

وياشين فالي كانني مالقيتك



شعر: ناصر بن ثويني