زبون الجهامه

الشاعر الجميل نواف الغدَّيب ونص مميز يحلق عاليا في فضاء الشيخ أحمد المشعان الجربا...!

سلام... يا شيخ الكرم والمروات

من قلب صادق يازبون الجهامه

تحية (ن) مضمونها حب وابيات**

نحبكم يا أهل الوفا والشهامه

انتم هل الفزعات في وقت الازمات

وانتم اسناد المستغيث وحزامه

وانتم ملاذ أهل الشقى والمعانات

من لاذ فيكم في ملاذ السلامه

الله جعلكم للأمور الصعيبات

جربان... في وقت الشقى والندامه

يا بو فهد... تاريخكم طول الأوقات

تاريخ عز... ولا تجيبه الملامه

صعب اني احصى فعلكم والبطولات

يكفيكم ان الطيب نلتوا وسامه

انتم لكم في صفحة المجد بصمات

سلالة الفيصل سليل الزعامة

عن مجدكم تروي الليالي روايات

المجد المثل الحيد وانتم سنامه

وما هو غريب انك تسد المهمات

شيخ وسلالة شيخ عالي مقامه

ما قلتها يا شيخ غاية وحاجات

الله كفل للعبد حتى طعامه

ولا كان قصدي من وراها دعايات

لا والله افخر في رموز الكرامة

انتم فخر ياطيب الاصل والذات

يقولها اللي يلتزم في كلامه

من يمدح الجربا... ما يحتاج لاثبات

الطيب طبعه... والمراجل مرامه





نواف الغريب