محمل الشام

يا محمل الشام خل النفـس مرتاحـه

من جور الأيام لا تشكي لي أبكي لـك

ضيق الخواطر وهم الوقـت وجراحـه

هذي مواويلنـا مـا هـي مواويلـك

نفسك مع الليـل والتمويـل منساحـه

وتقول ذقت العنا والهـم يـا حليلـك

حمامة الدوح فـوق الغضـن نواحـه

تبكي على خيبة أمك مـا تغنـي لـك

عزي لك وعزي المن هـذي أرباحـه

يرضيك والاّ عسى ما هوب راضي لك

ما جيتك أذوق لـي خوخـه وتفاحـه

جيت أنثر هموم ليلي في دجـا ليلـك

ماهو غلاً فيـك جيـت أدوّر الراحـه

من كثر ما اسمع علومك من مهابيلك

أسوق لك خاطري والحـزن يجتاحـه

وأقول يمكن يخف الخزن وأدعي لـك

وأثريـك فـلاح وتغـنـي لفـلاحـه

الحمـد للـي مكرّهـنـي تعاليـلـك

دارك لـو ورودهـا بالعطـر فوّاحـه

أشره عليه بعدهـا كـان أبَجـي لـك

مانيب يمّك لـو الأصـوات صداحـه

مزعوج وأزعجتني في كثـر تطبيلـك

أتابع امتابـع أهـل الـذوق للساحـه

عيني تشوفك لكن سمعي ما يصغي لك

لوكـان فيهـا درر وزنـود قـداحـه

العيب فيها تسوي لـي وسـوي لـك

ناسٍ تبي الشعـر صبـوره ومسّاحـه

يا عصر الاعلام يـا مكثـر تهاويلـك

مير الحقايق على مـا قيـل فضّاحـه

يالفارس اللي محد ياصـل مواصيلـك

أنا أستحي والليالي غبـر وشحاحـه

والا أنت يفضحك تلميعـك وتبجيلـك

روّق وسوّق وجر الصـوت بالراحـه

يا كوكب الشرق نعرف سـر منديلـك

سوّاح دنيا وغيـرك نـاس سوّاحـه

ما هي على الكيف هذي لي وهذي لك

الكنز دونـه قـوي القلـب بسلاحـه

وأنتـه بليـا سـلاح وفاتـرٍ حيلـك

وان غرك اللي يومي لـك بمسباحـه

مهبل الخلق من جيلـي ومـن جيلـك

ناسٍ على الدبـك مزّاحـه ورزّاحـه

تضحك بوجهك وتفرح فـي غرابيلـك

أقول خـل الضميـر ايلملـم جراحـه

كم من غثا الوقت باقي لي وباقي لـك

وكم غيرك أنصحت له وأهداني ارماحه

رويان قبل أتقهـوى مـن معاميلـك

نصوح وأحسب قلوب الناس نصّاحـه

أحيان تصنع لـك ايدينـك محابيلـك





راشد فاروع