شلفا القصيد

قصيدة ساحرة وباهرة للشاعرة المميزة شمالية، وخطوات حقيقية نحو شمس التميز.

شمالية تختصر الكثير من الكلام في هذه القصيدة التي تؤكد ميلاد شاعرة من العيار الثقيل...!

يامـن عـرف حبـر القلـم بالجـره

ياليـت يفتـي وش لقـى بسطـوره

هـو مـن مـداد بنـيـةٍ مغـتـره

ماهمهـا..تبغـى تجـي بالـصـوره

تفشـل..وإذا طاحت..تعيـد الكـره

يمكـن تُخلد..كنهـا..اسـطـوره

ولا مـــدادٍ شامـخٍ..بـالـمـره

تجيبـه اللـي دارهــا معـمـوره

ترمي... تصيب....وصيدها..تجتـره

شلفـا القصيد..بكفـهـا مـأمـوره

ولامـداد الحـزن لاجــاء مــره

ينبـش جروحٍ..بالحشـاء مثـبـوره

تجيبـه اللـي لـو صلاهـا حــره

تصبر علـى ظلـم الزمـان وجـوره

ولا مـداد الامس...واللـي بــره

لـو الزمـن طفـى عليهـا نــوره

الماضـي اللـي صبتـه فـي جــره

ترمـي حجـارة حرفهـا فـي زوره

ولا مدادٍ..حطـتـه فــي صــره

مـن خـوف تقلبهـا عليهم..ثـوره

واوجـد حالـي وجـد منهـو ذره

من فوق رجمٍ.(.وقفـت بـه نـوره)

ويامن عـرف حبـر القلـم بالجـره

ياليت يفتي..وش لقى بسطوره..؟؟؟؟؟



شمالية