صقر الغلا

من لا يقدر عشرة الأمس لليوم
ويحفظ غلا المغلي ويحشم مكانه
لا يحسب انه صافي الوقت بيدوم
رد النقا بيجيه لحظة اوانه
وان صار ما يحشم كلامي ولا يشوم
بيجيه من هو (علته) في لسانه
عزاه! قلب (ن) عن غلا غيرك يصوم
ويبني على ذكراك قصر لكيانه
ان جيت يرفع للغلا قيمة السوم
وان رحت ما لسوم معنى وخانه
يومه عقاب البعد متحالي الحوم
صقر الغلا حوله واحكم رهانه
مال الزعل والبعد مع كثرة اللوم
داعي وحنا محكومين (ن) عنانه
ما كل قاضي عادل بحكم محكوم
يا كم قاضي (محكم الراي) خانه
يا ظالمي ماني سواا معك مظلوم
لا تذبح اللي (أسود الوجه) دانه
أشوم لك لا غربك كل مذموم
وأمنك لا صرت تبغى الأمانة
أنت بغلاك لحال والباقي بكوم
وانت الوحيد اللي حرمني حنانه
لاتاخذ الدنيا ليا طحت! وتقوم
اما نقوم اثنين والا بلانه
ما فيه عاشق تسرقه لذة النوم
شفني سهرت وصامل وبي متانة
أبقى معك عمري ولو كنت مظلوم
وأمنك وتقول صان الأمانة
خالد مفلح الدعسان