العصافير

| نواف الغريب |
للصد... والحرمان... والهجر ساحة
يلعبها اللاعب بصوت الجماهير
وعن فاصل الشوطين فيه استراحة
وعند الحكم تظهر جميع التقارير
وما طار طير إلا بقوة جناحه
لولا الجناح الطير ما يقدر يطير
والمركز الأول خذينا وشاحه
بالجاه وإلا في خشوم الدنانير
والناجح... اللي يوم يثبت نجاحه
سجل عليه ليا حصل منه تقصير
ودام الضمير الحي جاه ارتياحه
ما للصقر شرهات عند العصافير
الحر... في صبره يضمد جراحه
واللي يبيه الله على عبده يصير
وعندي خبر ما كل حاجه مباحه
غصب (ن) على حتى الرجال المشاهير
والوقت رحله... والمشاعر سياحه
وما في رحله ما وراها مخاسير
وللعقل بالميزان وزن ورجاحه
والذاكرة... ما تختصرها المشاوير