الكبر لله

| شعر: علي العايد الهاجري |
الفتـاوى كـم والدعـوى اجتهـاد
والـكـبــر لله ولله الـكـبــر
ومن حديث المصطفى خير العبـاد
آخذ المضمـون وأفهـم وأعتبـر
في صلاة الفجر خير مـن الرقـاد
قم تهجد كـان فـي ليلـك سهـر
الكره يا صاحبـي مـا لـه زنـاد
لو يثـور البغـض خطـر ٍينفجـر
والتمنّـي مـا يوصلْـك الـمـراد
أبـذل المجهـود وأصبـرْ وانتظـر
والبعد لا عـاد تكثـر فـي البعـاد
مـا يفيـد الهجـر والدنيـا عبـر
( مضطهد !! ) يالعنبو ذا الاضطهاد!
ذل لابـن آدم وحقـران البـشـر
والعناد أن كان في راسـك عنـاد
أذكـر الله والحـذر خلـك حــذر
والبـلاد أهـم شـي فـي البـلاد
الوفا واخـلاص شعـبٍ مـا نكـر
والحياد شلون ما شفـت الحيـاد؟
مثـل هالنسبـة تفيـد المنتصـر
والجهـاد الله أمـرنـا بالجـهـاد
فرض لا مـن الولـي فينـا أمـر
وفي مواجهة العدو حزمـك عتـاد
كان ربـي سلمـك طعنـة غـدر
والعدا واجـد وهـمْ كثـر الجـراد
والتروي وأفضـل الحكمـه صبـر
ولو تشوف أن العدو نصره وكـاد
بابتسامـه تحرمـه لـذة النـصـر