أمي

الليالي لو صفتلك دايرة
والنصيب يصيب ذا حكم القدر
ماني بالدنيا وحيدة وحايرة
وعقب فرقا اللي لها القلب انفطر
(أمي) اللي بالوصايف نادرة
اسمها بالطيب دايم له ذكر
كل يوم ( ن ) في منامي زايرة
وجهها الطاهر كما ضي القمر
رحت يمه في طريق سايرة
وهلت الدمعة على أغلى قبر
أمسح الدمعة وتجيني فايرة
فيها اللي في ذراها استسر
قلبي اللي عندها سرايره
ومنها اخذ علومي والعبر
المشاعر وسط قلبي ثايرة
والخوافي مالها غير الصبر
بانت وجوه خفية غايرة
قلبهن ضاري على الهجر وجسر
صدمتي بالحيل منهن جايرة
هن خواتي وأه يا قو القهر
أحسبن الطيب فيهن باذرة
وأحسبن الأخت للضيقه صدر
يالوجوه اللي عيونج طايرة
ما طرى من طاري(ن) والله عسر
في حمى اخواني بخير(ن) ذايرة
عزتي ما جاها ظيم (ن) أو كسر
شعر: هيا الرشيدي