البطه

| شعر: علي بن حمري |
قل للفلوس اثيابنا سادة ولافيها جيوب
يللي ماعندك مال وش لك في الجيوب اتحطها
تدري إن حطك جيب خالي ذنب من أقوى الذنوب
لاتبلش إبها قبل تاطاك ألامور أتوطها
فقير لكن مايعيب الفقر فيني غير ثوب
وانا بلادٍ صعب تفصل بحرها عن شطها
خل ألاوادم عاد مختلفين غالب وامغلوب
احظوظ تلعب دورها... واحظوظ واضح لطها
لولا ألامل بالله كان اتوقفت خضر القلوب
الارزاق والاعمار ربي في كتابه خطها
العمر في الدنيا ورق... والموت في الدنيا هبوب
أدناه هبّه ماوقف أثقل ورق في خطها
فتى ما يُحّسب في الرخا ماهوب في الضيق امحسوب
شهادةً أشهد بها لله ولا أغطها
دحلان له (غزة) ورام الله (لجبريل الرجوب)
وبحيرة البترول بالبنزين يسبح بطها
اللي مايضماء مايقدّر لذة الماي الشروب
واللي مايعرف شالها... واللي مايدري حطها
فلا تصدّق في المزون إلا لاخايلت النصوب
وصيةً وصّابها اللي كل قمة نطها