اللعب مع الكبار...!
| د. سعيد فهمي (المصري افندي) |
فجأة انقطع الارسال في الفضائيات... وظهرت على شاشة التلفاز احدى المذيعات لتذيع للمشاهدين احد البيانات وظهر عليها الانفعال والتوتر في الكلمات ثم طلبت من الحضور والجمهور الانتباه لما هو آت.
وقالت ايها السادة والسيدات جاءنا البيان التالي صرح الاخ المجاهد المدعو «ابو نار» المتحدث باسم جماعة عاملين نفسهم ثوار وفاكرين دايما انهم احرار وبعد ان اشتد عليهم الحصار وضاق بيهم الحال وانهار وراحوا يدوروا عن طريق للفرار ما اثر نفسيا على الاخ ابو نار... فراح ينفس عن حاله بتصريح عنتري فشار... وارسل تحذيرا وفاكر انه جبار الى «مصر» تاج العروبة والديار... واللي بايعها العالم قائده للعرب واحسنوا الاختيار انه بلاش يا مصر تلعبي كده بالنار... ولازم تفرج عن سجين الجماعة المنهار... وقاعد هناك في السجون المصرية تعبان ومحتار...! وهدد ان «مصر» مش حتعرف تنام الليل... وعشان السجين ده يا عيني حتشوف الويل... وحتدخل معاهم في صراع فظيع وطويل... وده آخر انذار لأرض وادي النيل...! وده كان محتوى الانذار والبيان... من الأخ «ابو نار» اللي مالوش امان... ولا قادر يميز بين المكانة والمكان وقاعد يبيع قضيته من قديم الزمان... ويبدل مواقفه بسهولة زي تبديل القمصان... ومش قادر يعمل لنفسه وطن او كيان... وساب كل حاجة واتفرغ للبيان...! انا عاوز اعرف بالذمة دي تصرفات انسان؟ هو مش عارف ان لو مصر غضبت بتبقى زي البركان...! وانه مش حيستحمل حتى منها قرصة ودان...! يا اخ ابو نار ان كنت انت نار فاعلم ان مصر بركان... وصاحبة تاريخ وعزة بالحق وهيلمان... فبلاش تلعب كده بالنار ولا تعمل علينا اسد وانت في الاصل فار...! ولو لقيت معركة حقيقية تعمل دايما فرار يا اخي هو انت مش بتقرأ تاريخ حديث او قديم هو انت من الفهم خلاص بقيت عديم؟ مش تحاول تعرف الاحداث وتكون فهيم... هو خلاص سيطر على فكرك شيطان رجيم؟ حاول ارجوك تتعلم اللياقة... واتكلم مع الكبار بحذر ولباقة... وخلي كلامك شيك ومغلف بالاناقة...! ولازم ترجع للي بيحشي بالكلام راسك... وتعرف مين اللي ضلل عليك ومين اللي داسك... ومين اللي لعب بدماغك وملأ بالاكاذيب راسك... واللي حاسب عليك خطوتك وبيعد انفاسك يا اخ «ابو نار» روح لاخوانك واسأل كمان ابوك واعرف مين اللي كانوا دايما معاك وايدوك... ومين اللي ضحوا بولادهم عشان ينصروك...! يا أخ «ابو نار» انت مش للقضية عنوان... ولا حتخرب علاقة شعوب ببيان كده خيبان... ولا حتقدر على «مصر» في اي زمان ومكان... واعلم ان «عز الدين القسام» لو حي حيكون اكيد زعلان... وعلى استغلال اسمه اسف وندمان... على اللي بيتكلموا باسم القضية من غير اتزان... ولسان حاله بيقول ويصرخ كمان... يا عيني والف حسرة على القضية... اللي ليها مليون عنوان وقاعدة زي ما هي وبتاكل بعضها ببيانات وصراعات قيادية... وبيضيع حقها في الوجود بخلافات جانبية...! يا ترى هي دي القضية اصل الصراعات؟ اللي مش عارفة مين بينصرها في الازمات... ومين يستغلها ويحشرها في المخيمات... واللي عايز يحتويها علشان اطماع ومؤامرات... واللي بارع في الاعيب نظرية خذ وهات... واللي بيساوم على ارضه بالكذب والشيكات...! المهم يا أخ «ابو نار» مهما كان مين وراك... ولقنك بيان هابط وغواك... واللي كسب من قضيتك ورماك... لما تيجي تتكلم عن «مصر» اتكلم باحترام... ولما تحكي عنها حاسب في الكلام وخليك في قضيتك وعيش في سلام... وبلاش تلعب بالنار وتبقى انت الملام... ولازم تعرف الحقيقة اللي مش محتاجة علام... وعلشان تهدد «مصر» تبقى دي تخاريف احلام.
فحاول تتغطى كويس وتسيبك من الاوهام...! واعرف ان «مصر» اكبر من الرد عليك... ولو حاولت تمسها حتقطع راسك وايديك... مهما كان اللي بيشجعك وبيحوم حواليك...! وان قلت في بيانك اتقي شر الحليم... فالحليم عمره ما كان لئيم... وشعب «مصر» صاحب الاصل الكريم... وصبر كتير على الهلفطة وكان مع امثالك حليم... فاتقي انت غضب الحليم...! وخلاص بقى مفيش حد فاضي ولا يقدر يعمل على «مصر» قاضي ويحكم ويهدد في المليان والفاضي...! بلاش تعمل «مصر» شماعة لأنها مش بتخاف تهديد وطول تاريخها شجاعة... وخلاص بقى عندها من امثالك مناعة... فخليك اديب في كلامك وبلاش بجاحة وخلاعة...! عارف كان فيه واحد زمان زيك كده مخبول... حاول يهدد مصر ويرعب العقول... بكلام سفيه وهمجي ومش مقبول... الراجل ده سيطر على العالم بالحديد والنار... ولا كان اسمه جمرة ولا حتى «ابو نار» اظن كان اسمه «هولاكو» زعيم التتار... تعرف بقى ايه اللي صار... كان مصيره كده زي ما شفت في الكتب والاخبار... وراح في ذاكرة التاريخ وجيشه اتحطم وانهار... وعاشت مصر حرة ولا طلع عليه نهار...! يا عيني عليك يا «ابو نار» لما تيجي تهدد شوف حاجة على قدك واختار... ونصيحة بكررها بلاش تلعب بالنار... ولما تتكلم عن «مصر» اتكلم باقتدار... وروح كده واتشطر على اصحاب اكذوبة «شعب الله المختار» وسبحان الله ودي حكمته ومالك فيها اختيار... وبدل ما تهدد «مصر» روح وخدلك حمام بخار... واقعد هناك وغني «نار يا حبيبي نار» وخد بالك من «مصر» وبلاش اللعب مع الكبار...!
said_elmasryfahmy@hotmail.com
فجأة انقطع الارسال في الفضائيات... وظهرت على شاشة التلفاز احدى المذيعات لتذيع للمشاهدين احد البيانات وظهر عليها الانفعال والتوتر في الكلمات ثم طلبت من الحضور والجمهور الانتباه لما هو آت.
وقالت ايها السادة والسيدات جاءنا البيان التالي صرح الاخ المجاهد المدعو «ابو نار» المتحدث باسم جماعة عاملين نفسهم ثوار وفاكرين دايما انهم احرار وبعد ان اشتد عليهم الحصار وضاق بيهم الحال وانهار وراحوا يدوروا عن طريق للفرار ما اثر نفسيا على الاخ ابو نار... فراح ينفس عن حاله بتصريح عنتري فشار... وارسل تحذيرا وفاكر انه جبار الى «مصر» تاج العروبة والديار... واللي بايعها العالم قائده للعرب واحسنوا الاختيار انه بلاش يا مصر تلعبي كده بالنار... ولازم تفرج عن سجين الجماعة المنهار... وقاعد هناك في السجون المصرية تعبان ومحتار...! وهدد ان «مصر» مش حتعرف تنام الليل... وعشان السجين ده يا عيني حتشوف الويل... وحتدخل معاهم في صراع فظيع وطويل... وده آخر انذار لأرض وادي النيل...! وده كان محتوى الانذار والبيان... من الأخ «ابو نار» اللي مالوش امان... ولا قادر يميز بين المكانة والمكان وقاعد يبيع قضيته من قديم الزمان... ويبدل مواقفه بسهولة زي تبديل القمصان... ومش قادر يعمل لنفسه وطن او كيان... وساب كل حاجة واتفرغ للبيان...! انا عاوز اعرف بالذمة دي تصرفات انسان؟ هو مش عارف ان لو مصر غضبت بتبقى زي البركان...! وانه مش حيستحمل حتى منها قرصة ودان...! يا اخ ابو نار ان كنت انت نار فاعلم ان مصر بركان... وصاحبة تاريخ وعزة بالحق وهيلمان... فبلاش تلعب كده بالنار ولا تعمل علينا اسد وانت في الاصل فار...! ولو لقيت معركة حقيقية تعمل دايما فرار يا اخي هو انت مش بتقرأ تاريخ حديث او قديم هو انت من الفهم خلاص بقيت عديم؟ مش تحاول تعرف الاحداث وتكون فهيم... هو خلاص سيطر على فكرك شيطان رجيم؟ حاول ارجوك تتعلم اللياقة... واتكلم مع الكبار بحذر ولباقة... وخلي كلامك شيك ومغلف بالاناقة...! ولازم ترجع للي بيحشي بالكلام راسك... وتعرف مين اللي ضلل عليك ومين اللي داسك... ومين اللي لعب بدماغك وملأ بالاكاذيب راسك... واللي حاسب عليك خطوتك وبيعد انفاسك يا اخ «ابو نار» روح لاخوانك واسأل كمان ابوك واعرف مين اللي كانوا دايما معاك وايدوك... ومين اللي ضحوا بولادهم عشان ينصروك...! يا أخ «ابو نار» انت مش للقضية عنوان... ولا حتخرب علاقة شعوب ببيان كده خيبان... ولا حتقدر على «مصر» في اي زمان ومكان... واعلم ان «عز الدين القسام» لو حي حيكون اكيد زعلان... وعلى استغلال اسمه اسف وندمان... على اللي بيتكلموا باسم القضية من غير اتزان... ولسان حاله بيقول ويصرخ كمان... يا عيني والف حسرة على القضية... اللي ليها مليون عنوان وقاعدة زي ما هي وبتاكل بعضها ببيانات وصراعات قيادية... وبيضيع حقها في الوجود بخلافات جانبية...! يا ترى هي دي القضية اصل الصراعات؟ اللي مش عارفة مين بينصرها في الازمات... ومين يستغلها ويحشرها في المخيمات... واللي عايز يحتويها علشان اطماع ومؤامرات... واللي بارع في الاعيب نظرية خذ وهات... واللي بيساوم على ارضه بالكذب والشيكات...! المهم يا أخ «ابو نار» مهما كان مين وراك... ولقنك بيان هابط وغواك... واللي كسب من قضيتك ورماك... لما تيجي تتكلم عن «مصر» اتكلم باحترام... ولما تحكي عنها حاسب في الكلام وخليك في قضيتك وعيش في سلام... وبلاش تلعب بالنار وتبقى انت الملام... ولازم تعرف الحقيقة اللي مش محتاجة علام... وعلشان تهدد «مصر» تبقى دي تخاريف احلام.
فحاول تتغطى كويس وتسيبك من الاوهام...! واعرف ان «مصر» اكبر من الرد عليك... ولو حاولت تمسها حتقطع راسك وايديك... مهما كان اللي بيشجعك وبيحوم حواليك...! وان قلت في بيانك اتقي شر الحليم... فالحليم عمره ما كان لئيم... وشعب «مصر» صاحب الاصل الكريم... وصبر كتير على الهلفطة وكان مع امثالك حليم... فاتقي انت غضب الحليم...! وخلاص بقى مفيش حد فاضي ولا يقدر يعمل على «مصر» قاضي ويحكم ويهدد في المليان والفاضي...! بلاش تعمل «مصر» شماعة لأنها مش بتخاف تهديد وطول تاريخها شجاعة... وخلاص بقى عندها من امثالك مناعة... فخليك اديب في كلامك وبلاش بجاحة وخلاعة...! عارف كان فيه واحد زمان زيك كده مخبول... حاول يهدد مصر ويرعب العقول... بكلام سفيه وهمجي ومش مقبول... الراجل ده سيطر على العالم بالحديد والنار... ولا كان اسمه جمرة ولا حتى «ابو نار» اظن كان اسمه «هولاكو» زعيم التتار... تعرف بقى ايه اللي صار... كان مصيره كده زي ما شفت في الكتب والاخبار... وراح في ذاكرة التاريخ وجيشه اتحطم وانهار... وعاشت مصر حرة ولا طلع عليه نهار...! يا عيني عليك يا «ابو نار» لما تيجي تهدد شوف حاجة على قدك واختار... ونصيحة بكررها بلاش تلعب بالنار... ولما تتكلم عن «مصر» اتكلم باقتدار... وروح كده واتشطر على اصحاب اكذوبة «شعب الله المختار» وسبحان الله ودي حكمته ومالك فيها اختيار... وبدل ما تهدد «مصر» روح وخدلك حمام بخار... واقعد هناك وغني «نار يا حبيبي نار» وخد بالك من «مصر» وبلاش اللعب مع الكبار...!
said_elmasryfahmy@hotmail.com
