كذب الوعود

‏جف وصلك يامعذبني وأنا

‏بنت شيخٍ لاجفت ماهي تعود

‏حاتمية وصلٍ وفيّه طنا

‏الغضب عندي مثل حن الرعود

‏ شامخٍ عودي ولا يوم انحنى

‏غير لله خالقي يخضع سجود

‏كم صبرت وكم تكبدت العنا

‏وكم فرشت لعينك الدنيا ورود

‏وكم يشع القلب من حبك سنا

‏ماعصيت الدمع وعيوني شهود

‏باح سدي عقب ما طاح البنا

‏وانهدم قصر المعزه بالجحود

‏وكم قضيت العمر في حبك هَنَا

‏وكم رهنت العمر لوّك ماتجود

‏واحدٍ لكنّك بروحي غنى

‏كثّرك قلبي ووثق لك عهود

‏ناظر بعيني ووقف لي هِنَا

‏وأنشد الخفاق عن كذب الوعود

‏يخبرك عن كثر صدك وش جنا

‏في مودٍ كان مسك ونفح عود!

‏غاب نجم الليل والمشرق دنا

‏جعل يوم الشر يغرب ما يعود

| هيلة القحطاني |