الخطايا

تطول الايام والليالي وتمر السنوات وتبقى الذكرى رغم قسوتها وانت تعيش واقع الفراق وتتذكر العِشرة وكل تفاصيلها وتعيش مع خيال اجمل ما فيها ولا تهون على نفسك طي صفحتها مع انك تعلم انها صفحة خالدة لا يمكن مسحها من الذاكرة... فهيد زيد يقول:

الخطايا كل ما كانت من الغالي قوية

كل ماحست بنفس العاشق للي ينجرحها

ما علي من الفراق اللي بلا ذنب وخطية

ما شرحت أكثرجروحي كان شعري ما شرحها

عبرةٍ مرت على عيني قبل عيد الضحية

سبت اللي شاف عبرات العيون ولامسحها

ما على المنديل غير انه يخليها خفية

ولاعلى القلب الكبير الايغيب ويمتدحها

والزعل من غير سبة ما يجي من حسن نية

منهواللي شاف غلطات الحبيب ولاسمحها

جادلٍ ما حسّت أني شاري رضاها شرية

صكت أبواب الغرام اللي لها قلبي فتحها

صفحة العشق القديم وكل الأسرارالخفية

صفحة في الصدر طاويها ولا واحد صفحها

قولوا إني ما زعلت إلا علشان الخطيّة

والخطية عذرها مقبول عند اللي دمحها

بين ملح العذرالأبيض وأنكسارالسّكرية

منهو اللي جاب سكّرعذرها ولاملحها

ومنهو اللي عرض عذوق النخل للمهمهية

لين خلاّ نخلة العشّاق تزعل من بلحها

لاتسافرلين تاخذ دمعة الفرقا هدية

والفراق اللي جرحني لاتقول انه جرحها

كل ما جرّت على الفرقا لحون السامرية

خلها تبكي على الشعرالقديم اللي مدحها

يوم هجت من وجيه القوم طاحت في السرية

ماتحب اللي وراها وابتلت باللي نطحها

ماخبرت أن الخوي يفرح على فرقا خوية

لين قالوا لي عن اللي تبتسم ليلة فرحها

من هذاك اليوم والذمة من الذمة برية

خلها لوكنت خاسرها ولوغيري ربحها