كل شيء على ما هو عليه!

‏?أسأل عليك الليل والدرب وأغراب الوجيه?

والقى الإجابة نبرة الشوق وأنفاس العتاب

يا صاح بعدك كيف ليل الغرابيل أهتنيه

وان جيت حلمي قبل لا أشكي لك تشد الركاب

هذا وأنا من يوم ما غبت كل حرف اقتفيه

سافرت بسطور الكتب « والسفر قطعة عذاب «

وأقفيت حتى شفت في غير « سينا أرض تيه «

وفتّشت حتى أدركت شمس « توارت بالحجاب «

رحت أتتبع منبع النور باعماق الفقيه

يا علّي آتيك بقبس « حكمة وفصل الخطاب «

يمكن تحن ويعود عطفك على من يرتجيه

وتنحاز لإحساسك وتهجر غياهيب الغياب

يا صاح لأجل المال ما ظن بالدنيا نبيه

يستوطن الغربة ويفني شذا زهر الشباب

شوف الفقير وتشعر أن الكرى هو مشتهيه

متوسد كفوفه وكنه على كفوف السحاب

قرت عيونه دام كنز القناعه في يديه

ويسبح مع النجمات لو كان فرشه من تراب

وإن شفت أبو سفيان يفخر ويفخر ابن أبيه

أفخر يا نسل الرشد والرشد نعم الانتساب

وأسعى لك بـ عزٍ ليا مت فيه تعيش فيه

خط الفعل في صفحة الخلد والدنيا كتاب

والحق واحد ، وأكثر من أربعينٍ للشبيه

وما تكسب الامجاد بالورث ، الامجاد اكتساب

وان شفت لك علمٍ صواب .. أكسبه لو من سفيه

لا تنظر أنه من سفيه أنظره علمٍ صواب

وأغنم بقايا هالعمر ، والسفر من ينتهيه ..؟؟

أحذر تظن في يوم تاطى قدم جال السراب

لا تقول أحب .. وكل شيٍ على ماهو عليه

لو تعشق الأوطان ما طال عمر الاغتراب