?خذلان?

يجبر عزاي الليل.. والليل ماجور

ليت الموادع أولاً.. يا خليلة!

مهدوم والباقي من الروح.. مهجور!

حتى الحزن.. ما باقي الا قليله!

يا نورك اللي من سواياك ديجور

يا الغاية اللي ما تبرر وسيلة!

أقفيت في عيني: قناديل وقبور

ولوجهي عذوقٍ تماري نخيله

واقبلت ضامي.. للمشاريه مشكور

رغم الـمَـراوي.. والنهر.. والخميلة!

الاستحالة.. يوم انا عايش الدور:

أحلامي اللي في يدي مستحيلة!

قلت اتعبيني!.. ما بقى غير هالشور!

مقبول تعذيب الخليل لـ خليله!

عبث تركتيني كذا مالي حْضور

والا غيابٍ في عذاب المليلة!

يعني واذا الثاني تسميه: «منصور»!

يكفيك خذلان القلوب العليلة!