رسايل غايبين...!

‏?اسف.. على النص الحزين?

اسف.. على كل الشعر

ماهو خطأ يالآسفين

لو نعتذر بآخر سطر !

اسف على هالراحلين

حالي مثل: حال البشر

احس.. مثل: الفاقدين

واحتاج لإحساس الحجر!

كذا وكذا في الحالتين

يتعبني هطول المطر...

كنه «رسايل غايبين»

ما عودوا.. عقب السفر!

الحلم وحنا نايمين

عزه لنا من هالضجر !

العزه اللي من سنين

مكانها فوق القمر

ماحس فيها الصامتين

يكفيهم احساس الصبر

إنتي وقلبك ظالمين

ياصامته كلك نظر !

وانتي وفقري والحنين

تجمعت فيني [قهر]

يا شرهتي يالدمعتين

ياليت مالك منحدر...

عشان حكي الشامتين

وقلوب ناسن من حجر!