أبيات من الشعر

احدن تنومس رفقته وافتخر فيه

واعتز في عرف السنافي وشرواه

وحدن سروري يوم اغادر حراويه

ارتاح واسلى وانبسط عقب فرقاه

واحدن ليا منه زعل ودي ارضيه

وحدن زعله احب عندي من رضاه

وحدن سوى لانيب اسبه ولا اغليه

ان رضي عادي وان زعل مانشدناه

والطيب يطلع فالنشاما مواريه

يظهر على الرجال شكله ومعناه

اما شجاع والظفر في هقاويه

ولا كريمن تفعل الجود يمناه

ومن طاع ربه فاز وادرك مناويه

ومن خالف امره خسر دينه ودنياه

|?راجح العجمي?|