في خاطري كلمة

في خاطري كلمة مانيب قايلها

ولانيب للناس ناقلها وحاكيها

ذرابتي غلطتي وانا اتحملها

ومن كان وده يمشيها يمشيها

لو تزعل الناس ما قصدي ازعلها

اهل الوفا كلمة بالحق ترضيها

قدام تاكلني الشعار واكلها

وما كل غلطه نطوفها نخليها

وربوعي اللي تمثلني و امثلها

اعزها من صميم القلب واغليها

وانكان بالطيب فعلي ما يجملها

الوقفه الطيبه مانيب راعيها

بعض الوجيه القبيحه لا تجاملها

لاهي تدانيك وانته ما تدانيها

الطاله عيونها فعلي مكحلها

وايدينها فعل جداني محنيها

ان قابلتنا الهزيله ما نقابلها

حتى لوانها تبيني ويش ابي فيها

اليا جمع ربي اصحى الناس واخبلها

ما تصحي المستخفه لو تصحيها

شوف العرب بين عاقلها وجاهلها

النفس للمهزله مانيب اعنيها

لـ قلوبنا الطيبه طيب يبادلها

اللي على طيبة النيه مضريها

القلب الاسود يدورها وحصلها

ناره رجال المطافي ما تطفيها

لو ماني من اجزل الشعار واولها

اللجنه المنصفه ما كان اخليها

ياللي عوجت المعاني لا تعدّلها

وعزومي الله على الجزله مقويها

واصل مواصيل ماضنك بـ تاصلها

الا اذا ان العرب حجت على يديها