حصيل المزرعة

يالله يارحمن يالواحد الفرد السميع
لاذ بك عبدك وناجاك حيثك تسمعه
يا عسى ماني من اللي طعامه من ضريع
حين نفخ الصور والخلق جات امروعه
يا هبوب الريح هبي بنسناسك سريع
بردي سعيرة الجاش عقب المعمعه
الفكر ما كنه الا مثل شمعة تميع
طالع من زوبعه وداخل في زوبعه
كن راسي به فرى منك يا همي وجيع
عاصبة وحبة بنادول ما من منفعه
كني الفلاح باني امل انتج وابيع
وحطمت صلف الهبايب حصيل المزرعه
للحمول اجمال والكأس بالهمة رفيع
والنصيب ايصيب والدون الله يقلعه
وقتنا وقت الخطا شيب الطفل الرضيع
طمّن الأحرار وشاخت طيور القويعه
مشكلة لا ضاق بالرجل الكون الوسيع
والطعون اللي تجي من زمانه موجعه
ومشكلة ما يسعف الوقت وحظه ما يطيع
وخابت الهقوة عقب كشف ذيك الأقنعه
الزمن اما تطيعه فلا هو لك مطيع
مانت قادر يابن آدم بحيلك تردعه
خل شوحك قدم واقبل وسدك لا يذيع
امس غير اليوم... ما فات صعب مرجعه
ولا ترى انه دايم ايام هالدنيا ربيع
ماكرة متقلبة بالفصول الأربعه
والختم صلوا على من بعثه الله شفيع
عد ما سارت مراكب وفلت أشرعه