( من باب العتب )

من برد السنين أتلحف بصبري

بعيون البشر دافي وأنا بردان

بس ربي عن إللي بحالتي يدري

أمثَل دوري بالراحه وأنا التعبان

كل جرحٍ شكي غربه سكن صدري

لقا في داخله بيت وأهل وإخوان

بتراب الوهم حلمي بنا قصري

وعمري للرياح إمشرع البيبان

طاحت آخر أوراقي وذبل زهري

لإنّي للخريف إمأمّن الأغصان

بعيوني حك?ي لسان التعب سرّي

وفي وجهي لإنّه شاحب وذبلان

أنا آسف يروحي إقبلي عذري

على كل الجروح القاسيه ندمان

إلّلي من عطش أرويه جحد نهري

خذلني يوم أناديله أنا عطشان

رد لخيري شرَه ليش ما أدري

حسبته إنسان ل?كنه شبه إنسان

ماني للوفا بايع وأبي أجري

هديت الطيب ما دوّر وراه أثمان

من باب العتب بحروفي وشعري

أوصّل من خلاله صوتي للآذان

يا ربي دعيت إنّك تفك أسري

مع إنَي حر ماني من ورا قضبان

إللَي قيّد كفوفي وكسر ظهري

سلاسل من هموم وحزني السجان

شعر: حافظ الرسن